1.
Aallaqqaasiut
Pisortaqarfinni
soorlu kommunini, Namminersorlutik Oqartussani, Naalagaaffiup ingerlataani
ingerlatsinerit kiffartuussinerilu aningaasatigut ingerlaneri kisitsisitigut
paasissutissani uani ersersinneqarput. System of
National Accounts 1993 (SNA 93) aamma Det europæiske nationalregnskabssystem 1995 (ENS 1995) nunani
tamalaani nuna tamakkerlugu naatsorsuusiornerni atorneqartartut malillugit
kisitsisigut paasissutissat suliarineqarput. Taamaaliornikkut nunanut allanut
sanilliussisoqarsinnaanissaa qulakkeerneqarpoq. Taamaakkaluartoq nunanut
allanut assingusumik ineriartorsimasunut sanilliussinissaq pingaaruteqarpoq.
Saqqummersitami uani Kalaallit Nunaanni 2013-imiit 2017-imut pisortat
aningaasaqarnerisa ineriartorsimanerat takutinneqarpoq.
Saqqummersitaq
pingasunut immikkoortinneqarsimavoq, immikkoortut kisimiitillugit imaluunniit
saqqummersitaq tamakkerlugu atuarneqarsinnaapput. Kapitalini 2-5 pisortat
ingerlatsinerat kiffartuussinerallu ataatsimut isigalugu, kommunit,
Namminersorlutik Oqartussat, aamma Naalagaaffiup Kalaallit Nunaanni
suliffeqarfiutaasa aningaasatigut ingerlaneri takuneqarsinnaapput.
Kapitali
6-imi kisitsisitigut naatsorsuusiornermi najoqqutat sammineqarput, kapitalimilu
7-imi taaguutit aamma nunani tamalaani malittarisassat atorneqartut
sammineqarlutik. Taakkununnga ilanngullugu tabelit saqqummersitami
ilanngunneqarsimasut misissorneqarput, pisortat aningaasat atugaat aamma
isertitaat takutinneqarlutik, taakku nuussinernut (aningaasarsiorneq
tunngavigalugu agguataarineq), aamma anguniakkanut immikkoortillugit (suliat
tunngavigalugu agguataarineq). Immikkoortumi taaguutit aamma najoqqutani
immikkoortiterinerit marluk sammineqarput ilaatigut COFOG, Classification
of Functions of Government-i nutaaq itisilerlugu sammineqarluni.
Kisitsisaataasivimmi
bank.stat.gl-imi 1994-imiit 2017-imut kisitsisitigut
paasissutissat sukumiinerusut elektroniskinngorlugit
pissarsiarineqarsinnaapput.
Saqqummersitamik
iluarsaassineq
Saqqummersitami
uani ukiut siulianni saqqummersinneqarsimasunik iluarsaassisoqanngilaq.